Dewch i ymuno â’n cymdeithas

Dyma ein math mwyaf poblogaidd o aelodaeth ac mae ar agor i bawb.  Wrth ymuno â ni byddwch yn ein helpu cynnal, cynghori a chynrychioli treftadaeth annibynnol.  Yn gyfnewid, bydd cannoedd o’n tai a’n gerddi cofrestredig ar draws y DU yn cynnig mynediad am ddim i chi yn ystod yr oriau agor arferol.  Drwy hyn cewch brofi hyd yn oed rhagor o’r dreftadaeth hynny sy’n agos at eich calon.

Mae ein cymdeithas ar agor i dai, cestyll a gerddi dan berchnogaeth breifat, corfforaethol, elusennol neu sefydliadol, ddod yn aelodau llawn neu’n aelodau tai.  Rydym yn bodoli i warchod diddordebau’r mannau hyn ac i sicrhau eu bod yn aros lle gallant gael y gofal gorau – mewn dwylo annibynnol.  Sylwch mai’r lleoliad hanesyddol yw’r aelod ac nid y perchennog na’r gofalwr; hwy yw’r cynrychiolwyr.

I fod yn gymwys i ymaelodi rhaid i’r eiddo fod â phwysigrwydd hanesyddol neu bensaernïol; bydd adeiladau fel arfer wedi’u rhestru yn Radd 1 neu 11*, neu fod â chysylltiad agos â pherson neu ddigwyddiad sydd ag arwyddocâd hanesyddol iddynt.  Mae gerddi tai coll a fyddent wedi’u rhestru pe byddai’r tai wedi goroesi, neu’r rhai hynny sydd ar gofrestr parciau a gerddi hanesyddol yn gymwys i ymuno â’r gymdeithas.  Ystyrir hefyd gasgliadau pwysig o waith celf mewn adeiladau sydd heb eu rhestru ar gyfer ymaelodi.

Nid oes gofyn i’ch eiddo fod ar agor i’r cyhoedd yn rheolaidd i gael ymuno â ni – mae mwyafrif y tai a gynrychiolir gennym yn gartrefi teuluol, sydd â mynediad iddynt yn amrywio o gynnal garddwest flynyddol yr eglwys leol yn eu gerddi hyd at rai sydd â theithiau tywys rheolaidd a mannau sy’n enwog am baned o de a chacen go dda.

Bwriad yr aelodaeth hon yw galluogi cyn-drigolion tŷ cofrestredig sydd wedi trosglwyddo’r cyfrifoldeb ymlaen i’r genhedlaeth nesaf i ymaelodi, a hefyd aelodau clos y teulu sy’n parhau i fyw yn y tŷ neu ar y stad.

I ymuno fel Aelod Cyswllt, mynnwch air â phrif gyswllt y tŷ lle mae gennych gwlwm teuluol, neu cysylltwch â ni ar info@historichouses.org

Bwriad Aelodaeth y Genhedlaeth Nesaf yw cynorthwyo’r rhai sy’n rhagweld y byddent ryw ddydd yn byw mewn tŷ hanesyddol neu’n gyfrifol am ei gynnal, i’w paratoi am eu rôl fel gofalwyr.

Mae gan y rhan fwyaf o’n haelodau ‘gen nes’ gysylltiadau â thai neu erddi sydd eisoes wedi’u cofrestru, ond rydym hefyd yn croesawu cynrychiolwyr eiddo nad sydd eto’n rhan o’n cymdeithas.

Yn ychwanegol at ein gwasanaethau cynghori a’r seminarau i aelodau cyffredinol a thŷ, gwahoddir aelodau ‘gen nes’ i ddigwyddiadau ac ymweliadau sy’n benodol ar eu cyfer hwy, gan geisio sicrhau eu bod yn gallu elwa hefyd ar seminarau a fwriedir yn unswydd ar eu cyfer hwy.

Y tâl aelodaeth yw £60 i un person neu £80 i deulu dau berson.

I ymuno fel aelod y Genhedlaeth Nesaf, cysylltwch â James Probert, ein Cyfarwyddwr Datblygu ar james.probert@historichouses.org

Drwy Aelodaeth Gorfforaethol gall cwmnïau sy’n darparu nwyddau a gwasanaethau i’n tai cofrestredig, sefydliadau treftadaeth ac elusennau cysylltiedig, grwpiau cymdeithasol a gweithwyr perthnasol fod o gymorth i gynnal ein gwaith, tra’n elwa ar ystod o fanteision, megis cyhoeddusrwydd am eu cynnyrch a mynediad i gannoedd o’n hatyniadau.

Mae Aelodaeth Gorfforaethol ar agor i fusnesau ac unigolion sy’n darparu nwyddau a gwasanaethau i berchnogion a rheolwyr mannau hanesyddol; elusennau treftadaeth a sefydliadau treftadaeth eraill sy’n rhannu ein hamcanion a’n gwerthoedd; a grwpiau cymdeithasol a gweithwyr perthnasol sydd am rannu’r cardiau hynny sy’n eu galluogi i ymweld â channoedd o’n hatyniadau cofrestredig am ddim, i ddarllen ein gwybodaeth ar-lein a bod yn rhan o’n cynigion arbennig a’n cystadlaethau.

Mae tâl aelodaeth safonol (i gyflenwyr a grwpiau cymdeithasol/gweithwyr) yn dechrau ar £294 gan gynnwys TAW.  Mae tâl gostyngol o £149.35 ar gael drwy gais i elusennau treftadaeth a rhai sefydliadau treftadaeth dethol.